karotenoïed

Karotenoïede is organiese pigmente wat natuurlik voorkom in die chloroplaste en chromoplaste van plante en ander fotosintetiese organismes soos alge, sommige soorte swamme en sommige bakterieë.
Daar is meer as 600 karotenoïede bekend; dit word in twee klasse verdeel, xanthofille (wat suurstof bevat) en karotenes (wat suiwer koolwaterstowwe is en geen suurstof bevat nie). Karotenoïede absorbeer oor die algemeen blou lig. Hulle vervul twee sleutelrolle in plante en alge: hulle absorbeer ligenergie vir gebruik in fotosintese en beskerm chlorofil teen fotoskade. By mense is karotenoïede soos β-karoteen 'n voorloper vir vitamien A, 'n pigment wat noodsaaklik is vir goeie sig, en karotenoïede kan ook as antioksidante dien.